چام راج نگر24مارچ(ایس او نیوز؍آئی این ایس انڈیا) کانگریس صدر راہل گاندھی نے یہاں ہفتہ کوکہاہے کہ ہندوستانی معیشت کی ترقی تو ہو رہی ہے، لیکن روزگار کے مواقع پیدانہیں ہورہے ہیں۔ مہارانی مہیلا آرٹ اور کامرس کالج میں طالبات سے بات چیت کرتے ہوئے راہل گاندھی نے کہاہے کہ معیشت میں ہماری ترقی ہو رہی ہے، لیکن ہم روزگار نہیں مل رہا ہے ؛کیونکہ محنت کش افراد کو تعاون اور اقتصادی مدد نہیں مل رہی ہے۔ کرناٹک میں ہونے والے اسمبلی انتخابات سے پہلے میسورو علاقے کے دو روزہ دورہ پر آئے راہل گاندھی نے 30 منٹ تک طالب علموں کے سوالات کا جواب دیئے ۔راہل گاندھی نے اپنی گزشتہ کئی تقریروں میں وزیر اعظم نریندر مودی کے فی سال دو کروڑ روزگار کے وعدے کوپورا نہ کرنے لیے ان پر سخت تنقید کی ۔ فروری سے لے کر اب تک راہل گاندھی کا یہ چوتھا کرناٹک دورہ ہے۔ ریلی سے خطاب کرتے ہوئے راہل نے کہاہے کہ نوٹ بندی اور جی ایس ٹی کے ذریعے بی جے پی نہ صرف لوگوں کا پیسہ چھین رہی ہے بلکہ وہاں ایک نئے رجحان بھی ہے، وہ یہ آئین پر بھی حملہ کر رہے ہیں۔ انہوں نے کہا کہ ملک میں زیادہ تر فنڈز صرف کچھ لوگوں کے پاس ہے۔کانگریس صدر نے سوال کرتے ہوئے کہا کہ ڈائمنڈ تاجر نیرو مودی کروڑوں لوگوں کے روپے لے کر بھاگ گیا، آپ کو پتہ ہے کہ اگر وہ پیسہ مل جائے تو آپ جیسی نوجوان خواتین کتنی روزگار پیدا کرسکتی ہیں۔ اس دوران انہوں نے نومبر 2016 میں ہوئی نوٹ بندی کو بلا قرار دیا۔ انہوں نے کہا کہ ملک کے لئے نوٹ بندی اور جی ایس ٹی بربادی کا قدم تھا۔ سابق وزیر خزانہ پی چدمبرم نے اسے جنون بتایا تھا کہ انہوں نے کہا ملک کے ساتھ نئے جنونی تجربہ کرنے والا ایک شخص خطرناک ہے ۔راہل گاندھی نے کہا کہ کانگریس کا خیال ہے کہ بھارت جیسے ملک میں ایسے احمقانہ تجربے نہیں کئے جاسکتے ۔انہوں نے زور دیا کہ دنیا میں کوئی ماہر اقتصادیات یہ تسلیم نہیں کرے گا کہ کیش لیس سے ہندوستانی معیشت میں کوئی بہتری آئی ہے۔ ہفتہ کو اس سے پہلے راہل نے وزیر اعلی سدارمیا ، پارٹی کے ریاستی صدر جی. پرمیشورا اور دیگر سینئر لیڈروں کے ساتھ مشہور چامڈیشور ی مندر میں پوجا کی، تاکہ ریاست میں اپریل مئی میں ہونے والے اسمبلی انتخابات میں جیت مل سکے ۔کانگریس صدر میسرو، مانڈیا اور کام راج نگر اضلاع کا بھی دورہ کریں گے۔